Agora mesmo dedícome a un proxecto persoal que estamos compoñendo catro persoas, Cuatro&Pico e dedicámonos ao retail marketing. Existen cousas similares, pero nós somos únicos!
Somos catro amigos que nos encontramos de casualidade no momento axeitado. Todos estabamos buscando unha cousa nova, un xiro na nosa vida, e así xurdiu. Xosé Ramón dou unha idea e aí fomos os catro que formamos o proxecto.
É moito máis fácil para un emprendedor empezar nun espazo xa creado, non comezar dende cero creando a túa propia oficina. Un coworking significa estar con máis xente, en proxectos diferentes, e poden xurdir moitas sinerxías entre compañeiros/as que temos ao noso arredor. É moitísimo máis ameno e, como dixen, máis fácil.
Hai moitas: é un espazo xa preparado, a xente que hai ao noso arredor e é máis divertido!.
O espazo, a amplitude, a luz, a arquitectura en si, estar rodeada de xente moi boa. O ambiente en xeral… e o café!
A verdade é que, no proxecto no que estamos, o día pasa voando. Comezamos pola mañá, enfocámonos moito no proxecto que temos actual para sacar e intentamos aprender cousas novas a diario, enfocándonos tamén na busca de novos proxectos que nos poidan aportar máis clientes ou cousas novidosas.
Se falamos de obxectos, serían o móbil, un portátil/ordenador e unha cámara de fotos. Imprescindible tamén o wifi e o bo ambiente, pero iso non nos falta.
O que máis: a creatividade, é moi diverso, falta rutina e podemos poñer o noso gran de area en proxectos moi diferentes.
Ante todo viaxar, coñecer xente, o deporte, o paddle surf (que, por certo, temos pendente, así que rapaces/as do coworking que leades isto: temos que facer unha saída de paddle surf!), a patinaxe e o deporte en xeral, ler, o cine e falar.
Xa para rematar, recoméndanos: unha película, unha serie, un libro e unha canción!Película, a última que vin, Quien a hierro mata, creada en Galicia; unha historia que podería ser certa, cun gran reparto e moi boa peli.
Serie, Big Little Lies, de HBO; libro sería Budda i miłość, que quere dicir Buda e o amor, un libro moi recomendable para aprender sobre nós e sobre o noso funcionamento como parella; e a miña canción favorita, de No Doubt, Don’t Speak.
Podes atopar a Paulina en:
Páxina web