Emprender non é só ter unha idea: é decidir que queres ir máis alá, crear impacto e facer medrar o teu proxecto con sentido. Pero no camiño, moitas veces esquecemos algo esencial: parar tamén é avanzar.

Hoxe queremos falarche dunha práctica cada vez máis necesaria no mundo startup: o slow entrepreneurship, unha filosofía que aposta por pausas conscientes e planificadas como ferramenta para mellorar a creatividade, a toma de decisións e o equilibrio persoal.

Un empurrón... para frear a tempo

Cando emprendes, é fácil caer na trampa da produtividade constante. Sempre hai algo que mellorar, un cliente que atender ou unha idea nova que probar. Mais a realidade é que o rendemento sostible require enerxía, foco e claridade mental.

As pausas estratéxicas permiten reconectar co propósito, analizar o que funciona e redefinir o rumbo antes de gastar forzas en accións que non suman.

É o que moitos chaman “traballar mellor, non máis”.

Por qué che interesa practicar o descanso estratéxico?

• Máis creatividade: cando desconectas, o cerebro reorganiza información e xera ideas novas.
• Decisións máis claras: afastarte temporalmente do ruído axuda a ver con perspectiva e priorizar.
• Menos burnout: descansar reduce o estrés acumulado e mellora o rendemento a longo prazo.
•  Maior coherencia: un liderado saudable inspira confianza, tanto no equipo como nos clientes.

En definitiva, parar é unha forma de liderar con intelixencia emocional.

Cómo poñelo en práctica?

• Programa micro-pausas diarias: 10 minutos para desconectar da pantalla e respirar.

• Reserva un día ao mes para revisar obxectivos e celebrar logros.

• Fai retiros curtos ou xornadas de desconexión co teu equipo.

• Aprende a dicir “non” ao que non encaixa coa túa visión.