Decidín, despois de veterinaria, especializarme nesta rama de seguridade alimentaria. Xurdiu un pouco a raíz destes traballos que tiven, tras facer un máster especializado en seguridade alimentaria e máis formación, polo que decidín ampliar esta experiencia dende outro punto de vista, xa que me gusta moitísimo o tema da alimentación e da promoción da saúde e o feito de ser autónoma facíame ampliar este punto de mira e poder traballar con máis xente.
Cando comezas un proxecto, o tema económico pesa moitísimo e este espazo coworking dábame a oportunidade de vir aquí de forma gratuíta. Pero, sobre todo, polo feito de estar en contacto con máis xente, máis profesionais doutros sectores e poder ter esta relación profesional con outro tipo de autónomos e autónomas.
Eu creo que a principal son as relacións persoais e a xente que podes coñecer. De feito, na miña carreira profesional e durante a miña formación, creo que aprendín tanto ou máis da xente coa que compartín esas experiencias que da propia información ou formación que puiden recibir.
Creo que é un espazo ideal para traballar. Encántame como o restauraron, a situación e o lugar son ideais e, sobre todo, a principal vantaxe é a xente. O equipo que traballa aquí vexo que é moi activo, que nos pode axudar moito e, a verdade, creo que foi un acerto.
De momento fago certos días á semana. Fago auditorías en grandes distribuidoras, é un pouco o comezo no que estou agora mesmo. Ademais dito, que me pode supoñer trasladarme de provincia, moito movemento e moito coche. Outros días, simplemente, pois diante do ordenador, neste caso repasando eses informes de auditoría que despois teño que presentar. E espero, a partir de setembro, adicar tamén varias xornadas laborais á semana en seguir contactando con xente para ampliar a miña carteira de clientes.
Así, principalmente, gústame moito a organización do tempo. Preciso a liberdade de movemento e, sobre todo, as cousas ben feitas. É moi importante ter moi claras as normas a seguir: cando podes ser medianamente flexible e cando hai que seguir unhas normas prefixadas.
O que máis me gusta, sobre todo, o dinamismo. Poder estar con xente diversa, en lugares diversos, que é un pouco o que botaba de menos cando non era autónoma.
Son unha persoa que sempre fixo deporte, sobre todo estar ao aire libre. Gústame moitísimo o cine e o teatro e, por suposto, os concertos en directo.
Para min, do mellor que hai son as películas de Hitchcock, calquera delas.
Cancións… Encántame a música tradicional e gústame tocar a pandeireta, co cal sería canción tradicional. Se nos vamos a algo máis comercial e de estudio, encántame a canción La Grange, de ZZ Top.
Libros, a verdade, non sabería que dicirvos. Sobre todo, leo e estudo acerca da alimentación, normas e lexislación da alimentación. Gústame ler artigos de investigación con respecto á evolución, antropoloxía…
Recomendo moi encarecidamente a serie The Good Fight. Estouna vendo agora mesmo e estame enganchando moitísimo!
Podes atopar a Carmen en: