Asiste ao primeiro Encontro de Benestar da Rede de Espazos.Que imos facer?O "I Encontro de Benestar na Rede de Espazos de Traballo", que se celebrará en formato presencial e con conexión común por Zoom, nace da colaboración entre as xestoras dos espazos de coworking da Pobra e de Ames. A actividade ten como obxectivo poñer en valor o talento das persoas emprendedoras, ofrecerlles visibilidade ante un público real e favorecer oportunidades de colaboración. Ademais, busca que cada coworking abra as súas portas a novas persoas, dando a coñecer as súas instalacións e modo de traballo, ao tempo que reforza a identidade da Rede como un ecosistema vivo de persoas e proxectos conectados polo benestar, a cooperación e a innovación. Este encontro, centrado inicialmente no sector do Benestar, pretende ser a primeira semente dun modelo extensible a outros sectores e accións futuras dentro da rede. O encontro permite ás persoas coworker visibilizar os seus proxectos, recibir feedback e conectar con posibles colaboradoras. Para o público, é unha oportunidade de participar en experiencias prácticas arredor do benestar e descubrir iniciativas locais de valor.Programa detallado:10:30 – 10:40 | Benvida presencial en cada espazoPresentación breve do espazo e as súas instalacións para dar a coñecer o espazo ante posibles usuarias/os.10:40 – 11:40 | Obradoiro presencialBea Lema (Escuela Gallega de Bienestar) Pazo de Arenaza - Oleiros.Cun enfoque próximo e participativo, descubriremos como o entorno rural se converte nun espazo privilexiado para o benestar e a sustentabilidade, valorando tanto os recursos internos —como o coidado do corpo, o equilibrio mental e a xestión das emocións— como os externos —natureza, comunidade e cultura local—. Unha invitación a integrar ferramentas e hábitos que nos axuden a vivir dun xeito máis saudable e respectuoso con nós mesmos e coa Terra.11:40 – 12:15 | Conexión con toda a Rede (Zoom)12:15 – 12:30 | Peche conxuntoQuen participará?Bea LemaAutora, formadora e directora da Escuela Gallega de Bienestar.Bea Lema é unha profesional galega cunha ampla traxectoria vinculada ao benestar físico, mental e emocional. Funcionaria pública en situación de excedencia por interese particular, iniciou a súa carreira como técnica en actividades físicas e deportivas, traballando como socorrista, monitora de natación e de fitness.Un accidente de tráfico que a deixou temporalmente impedida marcou un punto de inflexión na súa vida profesional. Nese tempo, decidiu reorientar o seu camiño e preparouse para acceder á función pública, onde desenvolveu boa parte da súa carreira. Paralelamente, seguiu formándose en áreas relacionadas co coidado integral da persoa, como a instrución en Mindfulness e a prevención de riscos psicosociais, colaborando en accións formativas e dende o departamento de calidade do SEPE.Durante a pandemia, deu un novo xiro á súa traxectoria, apostando pola creación de programas formativos orientados a mellorar a saúde e o benestar integral. Así nace En Forma MC (mente e corpo), un proxecto desenvolvido en colaboración con concellos, institutos e forzas e corpos de seguridade como a Garda Civil, cun enfoque global que integra corpo e mente para contribuír a unha vida máis equilibrada e saudable.Como me inscribo?Soamente tes que facer clic no botón azul para rexistrarte!
Asiste ao primeiro Encontro de Benestar da Rede de Espazos.
Que imos facer?
O "I Encontro de Benestar na Rede de Espazos de Traballo", que se celebrará en formato presencial e con conexión común por Zoom, nace da colaboración entre as xestoras dos espazos de coworking da Pobra e de Ames. A actividade ten como obxectivo poñer en valor o talento das persoas emprendedoras, ofrecerlles visibilidade ante un público real e favorecer oportunidades de colaboración. Ademais, busca que cada coworking abra as súas portas a novas persoas, dando a coñecer as súas instalacións e modo de traballo, ao tempo que reforza a identidade da Rede como un ecosistema vivo de persoas e proxectos conectados polo benestar, a cooperación e a innovación. Este encontro, centrado inicialmente no sector do Benestar, pretende ser a primeira semente dun modelo extensible a outros sectores e accións futuras dentro da rede.
O encontro permite ás persoas coworker visibilizar os seus proxectos, recibir feedback e conectar con posibles colaboradoras. Para o público, é unha oportunidade de participar en experiencias prácticas arredor do benestar e descubrir iniciativas locais de valor.
Programa detallado:
10:30 – 10:40 | Benvida presencial en cada espazo
Presentación breve do espazo e as súas instalacións para dar a coñecer o espazo ante posibles usuarias/os.
10:40 – 11:40 | Obradoiro presencial
Bea Lema (Escuela Gallega de Bienestar) Pazo de Arenaza - Oleiros.
Cun enfoque próximo e participativo, descubriremos como o entorno rural se converte nun espazo privilexiado para o benestar e a sustentabilidade, valorando tanto os recursos internos —como o coidado do corpo, o equilibrio mental e a xestión das emocións— como os externos —natureza, comunidade e cultura local—. Unha invitación a integrar ferramentas e hábitos que nos axuden a vivir dun xeito máis saudable e respectuoso con nós mesmos e coa Terra.
11:40 – 12:15 | Conexión con toda a Rede (Zoom)
12:15 – 12:30 | Peche conxunto
Quen participará?
 Bea Lema |
Autora, formadora e directora da Escuela Gallega de Bienestar. Bea Lema é unha profesional galega cunha ampla traxectoria vinculada ao benestar físico, mental e emocional. Funcionaria pública en situación de excedencia por interese particular, iniciou a súa carreira como técnica en actividades físicas e deportivas, traballando como socorrista, monitora de natación e de fitness. Un accidente de tráfico que a deixou temporalmente impedida marcou un punto de inflexión na súa vida profesional. Nese tempo, decidiu reorientar o seu camiño e preparouse para acceder á función pública, onde desenvolveu boa parte da súa carreira. Paralelamente, seguiu formándose en áreas relacionadas co coidado integral da persoa, como a instrución en Mindfulness e a prevención de riscos psicosociais, colaborando en accións formativas e dende o departamento de calidade do SEPE. Durante a pandemia, deu un novo xiro á súa traxectoria, apostando pola creación de programas formativos orientados a mellorar a saúde e o benestar integral. Así nace En Forma MC (mente e corpo), un proxecto desenvolvido en colaboración con concellos, institutos e forzas e corpos de seguridade como a Garda Civil, cun enfoque global que integra corpo e mente para contribuír a unha vida máis equilibrada e saudable. |
Como me inscribo?
Soamente tes que facer clic no botón azul para rexistrarte!